如果下世會重覆經歷今生發生的事
你會快樂、會後悔、會痛嗎？

當睇到呢段文字時，唔知你第一時間閃現喺腦海嘅係咩事呢？

我諗到嘅係一段我覺得自己處理得好差嘅關係。如果下世要重來一次，我好希望自己可以改變少少件事，起碼大家可以舒服啲。但事實上，即使會再來一次，新的決定又一定比原來嘅好嗎？Who knows？

人好多時會後悔，覺得自己做左啲唔夠好嘅決定，令好多事都變得不如我哋所想，然後希望重來。不過，時間走左就唔會回頭，發生過的事誰也改寫不了。人可以做的，唯有順應自然，接受事實的結果。

你也要明白，所有事情的發生都源於你的行動及想法，或者正如我之前講過，那都是你靈魂的渴求。

所以，既然事情唔會改變，唯有改變你的心，來接受、面對，努力讓未來的每一刻都不留遺憾吧。

祝福大家都可以好好把握好現在，不遺憾過去，不憂慮將來。🌙

 

Jeanie

2023